अपडेट
whatsapp

एकदिन

1 Min Read

एकदिन
खसेको हुनेछ धरतीमा
साँझको आँचल
छाएको हुनेछ जूनको शीतलता
र रमाएको हुनेछ मन

एकदिन
भत्किएका हुनेछन
भ्रमका विशाल महलहरु
वालुवाका भव्य शहर
र छुटेको हुनेछ पर कतै
त्यो तातो वाफले
भत्भति पोल्ने रेगिस्तान

एकदिन
पुगेको हुनेछ उँट जरुवाको नजिक
पिउनेछ घट्घटि पानी र मेट्नेछ प्यास
हो टुंगिएको हुनेछ जरुर एकदिन
त्यो अत्यासलाग्दो मरुभूमिको यात्रा …

—————————-
शिर्षक – गन्तव्यको नजिक एक यात्री र उँट
मिडियम – पानीरंग
आकार – ४२ * ३० सेन्टिमिटर
© कृष्णपक्ष

एकदिन
खसेको हुनेछ धरतीमा
साँझको आँचल
छाएको हुनेछ जूनको शीतलता
र रमाएको हुनेछ मन

एकदिन
भत्किएका हुनेछन
भ्रमका विशाल …

Posted by Krishna Thapa on Friday, 29 April 2016
Share.

I am Krishna Thapa, I am from Nepal and live in Israel. I love to write blogs on Art, Information and Technology. Thank you for stopping by, keep visiting.

यो पनि पढ्नुहोस

Leave A Reply

कृष्णपक्ष थापा

म कथाहरू लेख्छु, चित्रहरू कोर्छु यद्यपि लेख्नु र रङ्गसँग खेल्नु यी दुवै मेरा पेसा भने होइनन् । कर्मले त म पराइ माटोमा पसिना पोख्ने श्रमजीवी, विगत केही वर्षदेखि इजरायलमा छु । यस अर्थमा घर छोडेर विदेशिने युवाहरूको ठुलो हिस्साको म एक प्रतिनिधि पात्र हुँ ।


समयको किताबमा बेहिसाब घटना, परिवेश र अनेकौँ मौसमहरू लेखिएका छन् । असङ्ख्य अस्तित्वहरू अटाएका छन् यहाँ । कथाको एउटा पात्रजस्तै मेरो अस्तित्वले ‘कृष्णपक्ष’ भन्ने नाम बोकेर हिँडेको छ । जसरी संसारका समस्त अवयवहरू भिन्न अस्तित्व बाँचेका छन्, त्यसरी नै ‘कृष्णपक्ष’ पनि एउटा पृथकता बाँचेको छ ।

केही लिंकहरु

मान्छे अनेक पात्र र अनेकौँ भूमिकाहरूमा बाँचेको हुन्छ । 'कान्छे' मभित्र बाँचेको एउटा पात्र हो, जो रङ्गसँग खेल्न मन पराउँछ । कुची र क्यानभास उसको आत्मा हो ।

एक दिन मैले उसलाई छातीभित्र कैद गरेँ र इजरायल उडेँ । बाध्यता र परिस्थिति वश 'कान्छे' लाई मैले धेरै चाहेको तर कम बाँच्न पाएको छु ।

थाहै भएन कतिखेर हराएँ मरुभूमिका श्रम शिविरहरूमा ? जसरी लाखौँ नेपाली युवा छाडी रहेछन् देश र पोखी रहेछन् पसिना खाडीका ताता बालुवाहरूमा ...

  कान्छेलाई गीतमा सुन्नुस ..
© Krishna Thapa KanxeY
✉️ Email me at
kanxey@krishnathapa.com