खुकुरीको जवाफ

कृष्णपक्ष थापा मुलत: म कथाहरु लेख्छु, चित्रहरु कोर्छु यद्यपि लेख्नु र रंगसंग खेल्नु यी दुवै मेरा पेशा भने होइनन । कर्मले त म पराइ माटोमा पसिना पोख्ने श्रमजीवी, विगत केही बर्षदेखि इजरायलमा बस्छु । यस अर्थमा घर छोडेर विदेशिने युवाहरुको ठूलो हिस्साको म एक प्रतिनिधि पात्र हुँ ।

समयको किताबमा बेहिसाब घटना, परिवेश र अनेकौं मौसमहरु लेखिएका छन । असंख्य अस्तित्वहरु अटाएका छन यहाँ । कथाको एउटा पात्रजस्तै मेरो अस्तित्वले ‘कृष्णपक्ष’ भन्ने नाम बोकेर हिडेको छ । जसरी संसारका समस्त अवयवहरु भिन्न अस्तित्व बाँचेका छन, त्यसरी नै ‘कृष्णपक्ष’ पनि एउटा पृथकता बाँचेको छ ।
थप ...

Krishna Thapa

उ चाहन्छ हाम्रो घरमा दवाव हुनुपर्छ
उस्कै धम्की, शासन र रवाफ हुनुपर्छ

मित्रताको खोल ओढी आयो हाँस्दै हाँस्दै
पक्कै उसको मुहारमा नकाव हुनुपर्छ

घर भाँड्ने संक्रमण, भित्र्यो कहाँ बाट ?
यो दक्षिणी बतासको प्रभाव हुनुपर्छ

कहाँ जान्छ अरुबेला हाम्रो राष्ट्रियता ?
जाग्न कठै ! नुनतेलकै अभाव हुनुपर्छ

सगरमाथा जस्तो शीर, पहाड जस्तो छाती
स्वाभिमानी यस्तो हाम्रो स्वभाव हुनुपर्छ

घरि घरि हस्तक्षेप र प्रश्न किन गर्छ ?
अब सिधै खुकुरीको जवाफ हुनुपर्छ

छुनु पैले तर्सियोस, नेपाल त्यस्तो बनोस
काँडै काँडा मिसिएको गुलाफ हुनुपर्छ ।

About the author

Krishna Thapa

I am Krishna Thapa, I am from Nepal and live in Israel. I love to write blogs on Art, Information and Technology. Thank you for stopping by, keep visiting.